Del foto e personit të ekzekutuar sot në Shkodër.
Policia e Shkodrës informon se vrasja ka ndodhur në lagjen Tom Kola. Sipas poliucisë 51-vjeçari Petrit Vuksani është vrarë në banesën e tij në rrethana të paqarta.
Aktualisht po ngrihen pika kontrolli për kapjen e autorit të dyshuar.
Njoftimi i policise:
Shkodër/Informacion paraprak
Rreth orës 12:15, në lagjen “Tom Kola”, në rrethana ende të paqarta, në banesë, është vrarë me armë zjarri shtetasi P. V., 51 vjeç.
Shërbimet e Policisë dhe grupi hetimor kanë shkuar menjëherë në vendngjarje.
Janë ngritur pika kontrolli dhe po ushtrohet kontroll në zonë për kapjen e autorit të dyshuar.
Grupi hetimor, në drejtimin e Prokurorisë, po vijon punën për sqarimin e rrethanave të ngjarjes, si dhe për sigurimin e çdo prove, me qëllim identifikimin dhe kapjen e autorit.