Ndërsa nxënësit kanë marrë pushimet verore, Muzeun Etnografik të Elbasanit e kanë “pushtuar”bisedat gazmore të vajzave dhe fijet shumëngjyrëshe që enden në gjilpërë.
Për të katërtin vit në muze organizohen kurse me të rinj të cilët mësojnë traditën e bukur shqiptare, atë të qendistarisë. Kur u duk se tradita u zbeh, ajo ka nis të rigjallërohet, kjo edhe si rezultat i iniciativave të ndërmarra për rivitalizimin e saj.Vetë të rinjtë shprehen të impresionuar për faktin se mund të mësojnë punimet artizanale, njësoj si gjyshet apo nënat e tyre.
Punimet artizanale ndoshta nuk janë në modë, por kurrë nuk e kanë humbur bukurinë shprehet artizania e cila po asiston vajzat të mësojnë qendistarinë.
Me kujtime të bukura edhe nga gjyshet vajzat kanë filluar ta duan qëndisjen, punimet me gjergjef, grepin apo tezgjahun.
