Rastet me bark e të vjella, reagon Bashkia Prrenjas: Kërkojnë të keqinformojnë qëllimisht…

0

Prej dy ditësh, një numër i madh i banorëve nga zona të ndryshme janë paraqitur në spitalin e Prrenjasit me shenja të dhimbjes së barkut e të vjella, dhe disa persona ia kanë faturuar këtë ndodhi ujit të pijshëm, duke thënë se ai i ka infektuar personat në fjalë.

Në lidhje me këtë situatë, ka reaguar edhe Bashkia Prrenjas, duke thënë se uji i pijshëm në zonë është brenda normave dhe parametrave për tu konsumuar.

Gjithashtu, iunstitucioni vendor ka dënuar ashpër edhe qarkullimin e pretendimit, duke thënë se “disa pseudofaqe që qarkullojnë në median sociale kërkojnë të keqinformojnë qëllimisht duke përhapur panik te banorët”.

Njoftimi i plotë i Bashkisë Prrenjas:

SQARIM PËR OPINION PUBLIK

Nisur nga disa pseudofaqe që qarkullojnë në median sociale dhe kërkojnë të keqinformojnë qëllimisht duke përhapur panik te banorët në lidhje me ujin e pijshëm.

Bëjmë me dije të gjithë banorët : Uji i pijshëm është brenda normave dhe parametrave për tu konsumuar.

Uji i është nënshtruar të gjithave analizave të nevojshme për të qënë pjesë e tryezave tona të përditshme. Të nderuar banorë mos u shqetësoni për faqe inekzistente që në thelb kanë si qëllim të përhapin panik pa marrë informacionin e nevojshëm.

Ju kujtojmë se çdo kush që kërkon të shpifë duke përhapur panik do të përballet me forcën e ligjit‼

LEAVE A REPLY

Please enter your comment!
Please enter your name here