Shehaj i zhgënjyer nga Basha: Liderët duhet të vijnë dhe të ikin sapo dështojnë

0

Kandidati për kryetar të PD, Agron Shehaj deklaroi se ka ardhur koha që më 13 qershor demokratët të vendosin ndryshimin me votë.

Ndërsa shprehet i zhgënjyer nga kreu i PD Lulzim Basha, ai thekson se tashmë ky i fundit pas kaq shumë dështimesh duhet të ishte larguar, por duket se ka qëllim të ruajë karrigen përjetësisht.

“Liderët duhet të vijnë e të ikin sapo dështojnë”, shkruan Shehaj, ndërsa shton se partia është e demokratëve dhe se nuk mundet që sakrifica e tyre të çohet dëm.

Reagimi i plotë:

“Me Bashën jam shumë i zhgënjyer. Unë kam qenë në çdo protestë në Tiranë, në çadër dhe kudo. Nuk kam përfituar asnjëherë punë nga PD, e dinë të gjithë. Unë mendoj se ka ardhur koha që lideri të ndryshojë.” Demokratët e thjeshtë do bëjnë bilancin e energjive dhe sakrificave të çuara dëm nga vendimet e gabuara dhe kauzat e lëna përgjysmë nga lidershipi aktual i PD-së.

Çdo lider që ka prioritet Partinë Demokratike dhe demokratët do të largohej pas kaq dështimesh. Por lideri i tanishëm do që ta ruajë karrigen përjetësisht dhe nuk do që të ndryshohet asgjë. Është koha që ndryshimin të vendosin demokratët e thjeshtë me votën e tyre më 13 qershor. Partia është e tyre, liderat duhet të vinë dhe të ikin sapo dështojnë.

LEAVE A REPLY

Please enter your comment!
Please enter your name here