India ndodhet në një situatë të rëndë nga koronavirusi, teksa po përballet me valën e dytë të pandemisë.
Mediat e huaja bëjnë me dije se një mjek 26-vjeçar, i cili ende nuk i ka përfunduar studimet, vendos se kush do të jetojë dhe kush do të vdesë.
Ndërsa sistemi shëndetësor në Indi është në kolaps, Rohan Aggarwal vendos se kush do të jetojë dhe do të vijojë të marrë trajtimin në spital dhe kush do të vdesë, tekse i merren paisjet për t’ia vendosur dikujt tjetër.
“Kush do të shpëtohet, kush të mos shpëtohet duhet të vendoset nga Zoti. Ne nuk jemi krijuar për këtë, ne jemi thjesht njerëz. Por në këtë moment të kohës, ne jemi të detyruar që ta bëjmë këtë” u shpreh 26-vjeçari.
Kujtojmë që India është një ndër vendet më të goditura nga pandemia. Deri më tani në Indi numri i viktima ka shkuar në 226,188, ndërsa numri i të infektuarve 20,665,148.
