Një ngjarje e rëndë ka tronditur Kosovën mbrëmjen e sotme rreth orës 18:00 në fshatin Peran të Podujevës.
Mësohet se babai N.Ismajli ka vrarë me armë zjarri djalin e tij, E.Ismajli. Dyshohet se ngjarja ka ndodhur pas një sherri mes tyre për pronat.
Rastin e ka konfirmuar edhe policia, ndërsa pritet edhe zbardhja e detajeve të reja rreth ngjarjes.
“Rreth orës 18:00, është raportuar për të shtëna me armë zjarri në fshatin Peran të komunës së Podujevës. Policia ka dalë në vendin e ngjarjes dhe mbështetur në të dhënat e para, bëhet e ditur se një person, ka humbur jetën si pasojë e plagëve të marra nga arma zjarrit. Vdekja e viktimës është konstatuar nga ana e mjekëve emergjent. Policia ka iniciuar një hetim me synim sqarimin e të gjitha rrethanave që karakterizojnë rastin”, thuhet në njoftimin policor.
