Kur janë bërë tre vjet nga pandemia e koronavirusit, mjeku i njohur amerikan Anthony Fauci thotë se provat shkencore tregojnë se Covid 19 nuk është prodhuar në laborator.
Fauci i bëri komentet gjatë një interviste të dielën në “Face the Nation” të CBS. Prezantuesja Margaret Brennan e pyeti Faucin për transparencën e Kinës në lidhje me origjinën e COVID-19 dhe se si Partia Komuniste Kineze (CCP) udhëheqëse e vendit po trajtonte thirrjet për hetim nga e gjithë bota.
“Nëse shikoni ekzaminimin nga shkencëtarë ndërkombëtarë të kualifikuar dhe pa axhenda politike, ata kanë publikuar në revista të vlerësuara nga kolegët – se të gjitha provat e grumbulluara, veçanërisht në lidhje me sjelljen kineze të kafshëve në tregun Wuhan… provat janë mjaft të forta se kjo është një dukuri natyrore. Ne duhet të hetojmë çdo mundësi tjetër” tha më tej Fauci.
Fauci vazhdoi të kritikojë mungesën e transparencës së Kinës në lidhje me origjinën e COVID-19, duke argumentuar se refuzimi i tyre për të bashkëpunuar ngriti dyshime, kur mund të mos ketë pasur ndonjë arsye për këtë. Ai megjithatë nuk e akuzoi Kinën.
