Vandalët e mbërritur nga Tirana kanë shkatërruar sot qytetin e Elbasanit.
Trazirat mes tifozëve të Partizanit dhe Tiranës kanë nisur pa filluar ndeshja. Ata kanë sulmuar njëri-tjetrin me gurë, sende të forta, flakadanë e mjete mprehëse.
Veç përleshjeve të përgjakshme mes njëri-tjetrit, vandalët kanë nisur trazirat në qytet duke thyer xhamat e lokaleve dhe makinave, shkatërruan karrike, tavolina e gjithçka u dilte përpara.
Lokali i Hamamit tek Turizmi u shkatërrua plotësisht nga nga një grup prej 50 vetësh.
Si pasojë e këtyre përleshjeve paniku dhe frika kanë përfshirë Elbasanin. Qytetarët janë larguar të trembur nëpër banesa ndërsa policia e ka pasur të pamundur që të parandalojë trazirat.
Besohet se nga kjo përleshje ka pasur mjaft të plagosur pasi nëpër rrugë dhe lokale shihen njolla gjaku.
Pamjet e siguruara ekskluzivisht nga infoweb.tv dhe infoelbasani.com dëshmojnë katrahurën e shkaktuar nga tifozeria e “çmendur” e ardhur nga kryeqyteti.
