Tetë persona janë vënë në pranga të policisë së Tiranës për vepra të ndryshme penale.
Një 37-vjeçar, i identifikuar me inicialet Gj.D., është arrestuar pasi ka vjedhur biçikletën e një personi me incialet S.C. Gjithashtu, Gjykata e Shkallës së Parë Tiranë e ka dënuar këtë shtetas me 6 muaj burg, për veprën penale “Vjedhja”.
Nga specialistët për Hetimin e Krimit në Komisariatin e Policisë Nr.2 u bë arrestimi në flagrancë i 42-vjeçarit i identifikuar me incialet G. Xh., i dënuar më parë për veprën penale “Vjedhja”, pasi u kap nga shërbimet e Forcës së Posaçme “Shqiponjat” me një shumë parash, të cilat dyshohet se i ka vjedhur në dritaren e banesës së shtetasit F. K.
Një tjetër person, i identifikuar me inicialet B.N., 40 vjeç është arrestuar pasi mbrëmjen e djeshme në bashkëpunim me një shtetas tjetër(ende të paidentifikuar) i kanë vjedhur portofolin me forcë shtetasit S.S.
Specialistët për Hetimin e Krimit në Komisariatin e Policisë Nr.5 bënë arrestimin në flagrancë të shtetasit V. B., 28 vjeç, pasi ka ushtruar dhunë fizike dhe psikologjike ndaj bashkëshortes së tij.
Nga specialistët e Qarkullimit Rrugor u bë arrestimi në flagrancë i shtetasve:
Gj. N., 49 vjeç, A. A., 26 vjeç, B. D., 50 vjeç dhe F. V., 50 vjeç, pasi u kapën duke drejtuar mjetet përkatëse në gjendje të dehur.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
