Ministria e Shëndetësisë ka publikuar linkun ku qytetarët e Kosovës duhet të regjistrohen për të marrë vaksinën anti-COVID.
Ministria e Shëndetësisë ka lansuar platformën online për regjistrimin e personave që duan të vaksinohen me vaksinën anti-Covid, shkruan lajmi.net.
Ata gjithashtu kanë publikuar një email të cilën mund të ankoheni në rast të problemeve gjatë aplikimit.
“Për informacion, gjatë tre ditëve të para të regjistrimit përmes platformës ekosova.rks-gov.net janë regjistruar 3256 qytetarë për vaksinim kundër COVID-19, prej të cilëve 316 persona mbi 80 vjeç; 1435 të moshës 61-80 vjeç, kurse pjesa tjetër janë të moshës nën 60 vjeçe.”, thuhet në njoftimin e MSH-së.
Ky është njoftimi i plotë:
Agjensia Shtetërore e Informacionit (ASHI) në kuadër të Ministrisë së Punëve të Brendshme, ka ofruar në kuadër të platformës ekosova, linku: https://ekosova.rks-gov.net/, shërbimin shëndetësia përmes së cilit qytetarët mund të aplikojnë për regjistrim për të marrë vaksinën kundër COVID -19.
Për çfarëdo problemi që qytetarët mund të hasin gjatë aplikimit, mund ta adresojnë atë përmes imel adresës : [email protected] dhe ne faqen e-kosova në rrjetin social facebook.
Për informacion, gjatë tre ditëve të para të regjistrimit përmes platformës ekosova.rks-gov.net janë regjistruar 3256 qytetarë për vaksinim kundër COVID-19, prej të cilëve 316 persona mbi 80 vjeç; 1435 të moshës 61-80 vjeç, kurse pjesa tjetër janë të moshës nën 60 vjeçe.
Deri në mesditën e sotme, në Kosovë janë vaksinuar me vaksinën AstraZeneca 1228 qytetarë, profesionistë dhe nëpunës të institucioneve shëndetësore.
