Një aksident në aksin Elbasan-Librazhd ka ndodhur në orët e para të mëngjesit. Një benz u përplas me një kamion në fshatin Labinot Fushë. Për pasojë të dy drejtuesit kanë pësuar tronditje nga aksidenti, por pa rrezik për jetën. Ndërsa mjetet pësuan dëme të konsiderueshme.
Në vendin e ngjarjes shkoi policia e cila kreu veprimet proceduriale. Ende nuk dihet se cili ishte shkaku i këtij aksidenti por dyshohet për një parakalim të gabuar.
Po punohet për zbardhjen e rrethanave të përplasjes mes dy automjeteve.
