Një aksident në seri ka ndodhur në aksin Elbasan-Metalurgji ku janë përfshirë tre automjete.
Si pasojë e përplasjes drejtuesit e këtyre automjeteve kanë pësuar tronditje, por pa rrezik për jetën. Ndërsa makinat kanë pësuar dëmtime të konsiderueshme.
Aksidenti shkaktoi trafik në të dy anët e rrugës.
Në vendin e ngjarjes shkoi policia e cila kreu veprimet proceduriale për të përcaktuar shkaqet e këtij aksidenti.
Sipas të dhënave, njëri nga automjeteve ka tentuar parakalim të gabuar dhe është bërë shkak për konfuzion dhe përplasje me mjetet e tjera.
Aksi Elbasan-Metalurgji është një nga akset më problematike sa i përket aksidenteve rrugore kjo për shkak të fluksit të lartë të automjeteve prezencës së bizneseve dhe banesave në të dy anët e tij.
