Është arrestuar në Gjermani 36-vjeçari Andi Janko nga Korça i cili ishte shpallur në kërkim ndërkombëtar për veprën penale “Mashtrim me pasojë të rëndë”.
Burimet zyrtare bëjnë me dije se arrestimi i Jankos është bërë i mundur nga Interpol Tirana me Wiesbaden Gjermani .
Ndërkohë 36-vjeçari rezulton i dënuar me 12 vite burg sipas një vendimi të Gjykatës së Korçës në vitin 2017.
Njoftimi:
Vijon bashkëpunimi mes Interpol Tiranës dhe homologëve, për kapjen, arrestimin dhe ekstradimin e personave të shpallur në kërkim ndërkombëtar.
Si rezultat i bashkëpunimit të Interpol Tirana me Interpol Wiesbaden Gjermani, falë shkëmbimit të vazhdueshëm të informacionit, u bë i mundur arrestimi në Gjermani i shtetasit Andi Janko, 36 vjeç, banues në Korçë, duke u finalizuar me ekstradimin e tij drejt vendit tonë.
Ky shtetas ishte shpallur në kërkim ndërkombëtar nga ZQK Interpol Tirana, pasi Gjykata e Shkallës së Parë Korçë, me vendimin e datës 01.03.2017, e ka dënuar këtë shtetas me 12 vite burg, për veprën penale “Mashtrimi me pasojë të rëndë”, kryer më shumë se një herë.
Ky shtetas iu dorëzua Drejtorisë së Përgjithshme të Burgjeve.
#infowebtv
