Babai i Ilirjan Hasanaj i ka bërë thirrje djalit të tij që të dorëzohet në polici, pas atentatit që dyshohet se i ka bërë shefit të policisë bashkiake në Malësinë e Madhe, Mentor Hasanaj.
Përmes një postimi në rrjetet sociale, Arben Hasanaj i ka bërë thirrje djalit të tij që të dorëzohet, pasi ka ardhur në Shqipëri. Ai u ka drejtuar një lutje të gjithë njerëzve që kanë dijeni mbi vendndodhjen e djalit të tij, që ta njoftojnë. Ilirjan Hasanaj është 19 vjeçari që dyshohet se ka bërë atentatin ndaj Mentor Hasanaj, i cili shpëtoi mrekullisht pasi mori një plumb në kokë dhe 2 të tjerë në trup dhe ndodhet jashtë rrezikut për jetën.
Gjatë atenatit u plagos edhe babai i Mentor Hasanajt dhe doli pa u lënduar gruaja e tij, të cilët ndodheshin në automjet me të gjatë momentit që u bë atentati.
Ngjarja ndodhi në aksin rrugor Shkodër-Malësi e Madhe, te rrethrrotullimi i “5 Heronjve”, ku 19-vjeçari teksa po kalonte me motorr, qëlloi me armë zjarri drejt makinës së policisë.
“Thirrje publike
Drejtuar djalit tem Ilirianit te dorezohesh nje ore e me pare ne Drejtorin, komisariatin, apo piken me te afert te policise se shtetit.
I lutem çdo njeriu qe din apo ka dieni te me njoftoje.
Baba i jot te pret nje ore e me pare kam ardh jam ne shqiperi. Baba te ka shpirt”, shkruan Hasanaj.
