Reshjet e dendura të shirave kanë shkaktuar dëme në aksin rrugor Librazhd-Prrenjas, ku ka pasur rrëshqitje masive gurësh, të cilat kanë bllokuar njërën korsi. Si pasojë, është rënduar trafiku dhe firma e pastrimit po punon për zhbllokimin e aksit për të bërë të mundur qarkullimin e mjeteve.
Prej disa ditësh, vendi është përfshirë nga reshje të dendura shiu, të cilat kanë shkaktuar përmbytje dhe probleme në disa akse rrugore. Por më të prekurit janë zonat e veriut, ku ka pasur edhe bllokim të njerëzve në fshatra pasi janë përmbytur rrugët duke bërë të pamundur kalimin.
E vështirë paraqitet situata në zonën e Lezhës dhe të Shkodrës, ku ka pasur edhe evakuim të familjeve për të mos mbetur nën ujë ndërsa mijëra hektarë tokë janë pushtuar nga uji.