Gjatë gjithë kësaj kohe rrjeti ka gumëzhuar në lidhje me situatën dramatike të Britney Spears.
Java e kaluar i ka lumturuar fansat e zjarrtë të Spears për shkak se këngëtarja mbajti një fjalim në një seancë gjyqësore.
Këngëtarja bëri një thirrje për t’i dhënë fund kujdestarisë së tmerrshme nga i ati i saj. Për këtë situatë ka reaguar dhe motra e Britneyt, Jamie Lynn Spears. Ajo ka dalë në mbështetje të motrës së saj dhe ndihet shumë krenare për të.
“Tani që ajo ka folur shumë qartë dhe tha atë që duhej të thoshte, unë ndihem sikur mund ta ndjek shembullin e saj dhe të them atë që më duhet mua”, -tha Jamie Lynn dje përmes Instastories në Instagram.
Britney Spears u shpreh se babai i saj e detyronte të merrte ilaçe dhe të ndiqte terapi nën kujdestarinë e të atit, që nga viti 2008.
Në videon e shpërndarë të hënën, Jamie Lynn Spears tha se ajo kishte folur më parë me motrën e saj në lidhje me punësimin e një avokati të ri.
“Jam shumë krenare për të që përdor zërin e saj,” tha ajo në postim. “Jam shumë krenare për të që po kërkon këshillim të ri, siç i kam thënë shumë vite më parë. Oh, jo në një platformë publike, por në një bisedë personale midis dy motrave … Nëse përfundon kujdestarinë dhe fluturon në Mars apo çfarëdolloj gjëje tjetër që ajo dëshiron të bëjë për të qenë e lumtur, unë e mbështes 100%, sepse unë mbështes motrën time, unë e dua motrën time. Gjithmonë e kam dashur, gjithmonë do ta dua”, -tha ajo.
infowebtv.com
