Trupi i pajetë i një personi është gjetur këtë të hënë pranë bregut në Vlorë, në afërsi të Petroliferisë. Nga informacionet paraprake bëhet e ditur se trupi i pajetë i përket një 30-vjeçari i cili është ende i paidentifikuar. Në vendngjarje ende nuk ka mbërritur ambulanca për të transportuar trupin e pajetë ndërsa ende nuk bëhet e ditur shkaqet e mbytjes së 30-vjeçarit. Forcat policore po punojnë për zbardhjen e rrethanave të ngjarjes.
Njoftimi i plotë:
Vlorë/Informacion paraprak
Më datë 08.02.2021, në orën 11:15, në afërsi të Petroliferës, Vlorë, është gjetur i pajetë në breg të detit, dyshohet i mbytur, një shtetas i seksit mashkull, ende i paidentifikuar, rreth 30 vjeç.
Grupi hetimor ndodhet në vendngjarje dhe po punon për zbardhjen e rrethanave të ngjarjes.