E moshuara që humbi jetën teksa transportohej për në spitalin Rajonal Dibër një ditë më parë, mësohet se është nëna e ish deputetit të PD Sali Shehu, i cili ju bashkua Partisë Fryma e Re Demokratike e krijuar nga ish presidenti Bamir Topi.
Burimet bëjnë me dije se e moshuara F.Shehu kishte pësuar paralizë dhe u nis të transportohej për në spital. Rruga e bllokuar nga bora në fshatin Limjan, vonoi transportimin në kohë të të moshuarës, megjithë ndihmën e dhënë nga të rinj të Limjanit, humbi jetën pasditen e së dielës.
