Deputeti socialist, Petro Koçi ka komentuar dhe një herë situatën në Kadastrën e Fierit. Me anë të një postimi të bërë në rrjetin e tij social ‘Facebook’, Koçi shkruan se Kadastra është kthyer nga muze e korrupsionit në një atraksion për shushunja gjakthithëse të reja dhe të vjetra.
POSTIMI:
Kadastra e Fierit po kthehet nga muze i korrupsionit dhe pisllekut edhe ne nje atraksion per shushunja gjakthithese te reja e te vjetra. Nje koniukture ndervepruese, armike me moralin e qeverisjes se PS dhe te fitores se 25 Prillit. Jazek!
Deputeti i Partisë Socialiste Petro Koçi ka reaguar dhe më parë për situatën në Kadastrën e Fierit. Në 31 korrik ai deklaroi se në Fier duart e krimit janë shtrirë mbi financat publike. Petro Koçi tha se trafikantë droge tashmë kanë legalizuar subjekte biznesi që fitojnë tendera publike.
