Një 62-vjeçar shqiptar banues në Pistoia, Mesut Sinameta, ka gjetur vdekjen ditën e djeshme, në kohën kur ishte duke u larë në det.
Ai kishte shkuar në plazh, në Marina di Veçhiano, Itali, me familjen e tij, por kur kishte hyrë për t’u larë, pësoi goditje në zemër. Roja bregdetare, e nxorri në breg 62-vjeçarin dhe i dha ndihmën e parë.
Kur mbërritën mjekët, u bë gjithçka e nevojshme, përfshirë përdorimin e defibrilatorit, por për fat të keq shqiptari nuk mbijetoi dot.
