Pamjet e fiksuara në unazën e qytetit të Elbasanit në aksin nacional Elbasan-Librazhd janë dëshmi e papërgjegjshmërisë njerëzore. Në pamundësi të fiksimit të ngarkesës në mjet ky qytetar e mban rrjetën jashtë xhamit, duke rrezikur jo vetëm jetën e tij, por dhe qytetarëve të tjerë. Pasi policia e Elbasanit është njohur me pamjet në fjalë ka identifikuar mjetin dhe drejtuesin e tij duke marrë masa imediate. Nëpërmjet një njoftimi zyrtar policia e Elbasanit bën me dije se ndaj shtetasit B. S. është vendosur masa administrative 12 000 lekë të rinj, bazuar në pikën 9 të nenit 167, pikën 8 të nenit 162 dhe në pikën 8 të nenit 170, të Kodit Rrugor.Drejtoria Vendore e Policisë Elbasan fton qytetarët të denoncojnë në numrin 112 dhe në Komisariatin Dixhital, çdo rast të shkeljes së rregullave të qarkullimit rrugor, dhe i garanton ata se do të reagojë menjëherë dhe konform ligjit.
Përballë pamjeve të tilla të pazakonta qytetarët pranojnë papërgjegjshmërinë qytetare ndaj kërkojnë masa më drastike për shkelësit e ligjit.
Edhe më herët policia ka ndëshkuar drejtues mjetesh në Elbasan që kanë shkelur rregullat pas videove të njohura në rrjetet sociale apo në media.
Infoweb Media!