GJERMANI – Duhej të ishte një natë historike për West Hamin, por në fund ishte një zhgënjim i madh. Skuadra londineze nuk arriti ta ndryshonte rezultatin në Frankfurt (1-2) dhe pas disfatës së ndeshjes së parë, humbi edhe në të dytën 1-0 kundër djemve të Eintrahtit, të cilët siguruan me meritë biletën për në finalen e Europa League.
Ndeshja u ndërlikua pas disa minutash, me përjashtimin me karton të kuq të mbrojtësit të majtë Cresswell (19’) për një faull ndaj Hauge, më pas situata u përkeqësua me golin e Borré.
Në pjesën e dytë, erdhi edhe e kuqja për David Moyes: trajneri skocez u përjashtua nga gjyqtari për shkak se goditi topin drejt një fëmije, që mblidhte topat në stadium. Ky episod aspak i bukur, ndodhi në minutën e 77-të të ndeshjes.
Babai i trajnerit të West Ham, që ishte në tribunën në moshën 86-vjeçare për të mbështetur “Hammers”, sigurisht që nuk ka qenë krenar për këtë veprim të djalit të tij.
RED CARD 🔴
David Moyes is sent off after angrily kicking the ball away 👀#beINUEL #UEL #SGEWHU
Watch Now 👉 https://t.co/NRYe31nXnO pic.twitter.com/QKhVEyf1EO
— beIN SPORTS (@beINSPORTS_EN) May 5, 2022