Platforma X do të heqë opsionin e bllokimit për përdoruesit e saj. Sipas Elon Musk, ky opsion “nuk ka kuptim”. Elon Musk dëshiron t’i japë fund një kënaqësie të madhe të përdoruesve të Twitter-it, që të bllokojnë njëri-tjetrin, sepse siç thotë ai, “nuk ka kuptim”. Përdoruesit mund të bllokojnë përdoruesit e tjerë nga leximi i mesazheve të tyre ose ndjekja e tyre.
Në një mesazh në X (ish-Twitter), Musk shkroi se ndalimi i llogarisë “do të hiqet, sepse nuk ka kuptim”. Megjithatë, funksioni për mesazhet private do të mbetet, si dhe funksioni i heshtjes ku një përdorues thjesht nuk informohet për postimet e tjetrit.
Musk, që nga momenti kur bleu Twitter në vitin 2022, e përshkroi veten si një mbrojtës absolut i lirisë së fjalës. Megjithatë, siç vë në dukje Guardian, sasia e gjuhës së urrejtjes dhe e gjuhës antisemitike është rritur. Por kjo masë bllokuese mund ta vendosë X në kundërshtim me Apple dhe Google, pasi të dy dyqanet online (App Store dhe Google Play) kërkojnë që aplikacionet të lejojnë bllokimin e përmbajtjes dhe të përdoruesve.
