Një ngjarje e rëndë është regjistruar në spitalin e Gramshit, ku një pacient 66-vjeçar është hedhur nga kati i katërt i dhomës ku ishte shtruar.
Ngjarja ndodhi rreth orës 07:00 të mëngjesit.
Personi i identifikuar si Hekuran Llapushi ka përfunduar në tarracën e katit të dytë, dhe për pasojë ka pësuar fraktura të shumta në trup dhe hemorragji.
Pak më parë gazetarja e Infoweb Media raporton se 66- vjeçari ka ndërruar jetë pasi nuk i mbijetoi dot dëmtimeve të marra.
Raportohet se i ndjeri kishte probleme të shëndetit mendor, por ishte i shtruar për ftohje në spitalin e Gramshit.
Nuk dihet ende nëse do ketë mbajtës përgjegjësie për ngjarjen e ndodhur.
