Nga refugjate në pilote në SHBA, ambasada ndan historinë e shqiptares Valdeta Mehanja

0

Ambasada e SHBA-ve ka shpërndarë foton e një togere shqiptare, e cila është pilote me Regjimentin e Aviacionit amerikan.

E lindur në Kosovë, por me nënshtetësi amerikane, Valdeta Mehanja nuk e kishte menduar se do vinte në Shqipëri si pilote gjatë stërvitjes Defender21

Rrugëtimi i saj ka nisur si refugjate lufte deri sa është bërë pilote e helikopterëve UH-60 Black Hawk për Ushtrinë e Shteteve të Bashkuara të Amerikës.

“Nëse ka njeri që e njeh punën e palodhur dhe vendosmërinë, ajo është togerja e 2-të Valdeta Mehanja, pilote me Regjimentin e Aviacionit 1-131. Mehanja, shqiptare e lindur në Kosovë dhe shtetase amerikane, nuk e mendonte kurrë se do mund të shihte Shqipërinë.

“Unë nuk e kisha vizituar kurrë Shqipërinë më parë. Është një ndjenjë e jashtëzakonshme të jem këtu, si pilote, në uniformë dhe me Ushtrinë e Shteteve të Bashkuara”, tha ajo.

“Unë nuk do ta kisha patur kurrë këtë mundësi për të fluturuar rreth Shqipërisë nëse nuk do të ishte për Ushtrinë. Mundësia për ta përjetuar këtë, më bëri shumë të lumtur”. – thuhet në postimin e ambasadës së SHBA-ve.

LEAVE A REPLY

Please enter your comment!
Please enter your name here