Kandidati i pavarur për deputet në qarkun e Dibrës, Elton Debreshi pasi nuk arriti të merrte votat e mjaftueshme për deputet, është rikthyer në punën e tij si minator.
Në një postim në Facebook, Debreshi shkruan se veprimtaria politike e minatorëve është e pandalshme, dhe se ata do të vazhdojnë në të luftojnë të gjithë për Statusin e Minatorit, si dhe të drejtat e tyre.
Debreshi gjithashtu u ka bërë thirrje minatorëve që të bashkohen në Sindikatën e Minatorëve të Bulqizës.
Elton Debreshi mori pjesë në zgjedhjet e 25 prillit si kandidat i pavarur në qarkun e Dibrës. Ai mori vetëm 580 vota, duke mos e kaluar pragun e nevojshëm për të të qënë deputet.
Postimi i plotë:
Pas disa javesh shkeputje per shkak te fushates, sot u ktheva ne galeri mes shokeve te vuajtjeve dhe durimit. Puna dhe veprimtaria politike tashme jane te pandashme jo vetem per mua, por per te gjithe minatoret qe u bashkuan ne Perpjekjen e Perbashket. Te gjithe bashke do ta vazhdojme luften per Statusin e Minatorit dhe te drejtat tona. Ne emer te shokeve, u bej thirrje te gjithe minatoreve te bashkohen ne Sindikaten e Minatoreve te Bashkuar te Bulqizes. E ardhmja eshte jona! infowebtv.com
