Aktori i humorit, Rezart Veleshnja ndërsa ishte duke diskutuar mbi banalitetin e përdorur në skeçe, ka reaguar ashpër ndaj një skeçi të Agron Llakajt i cili duke imituar emisionin ‘Përputhen’ ka quajtur pederast personazhin që luante rolin e Arjan Konomit.
Aktori i “Portokalli-së” u shpreh se Agron Llakaj i bën ato humore sepse aq e ka kapacitetin, ndërsa “kërcënoi” Llakajn se edhe ata dinë disa gjëra për të.
“Imitohet Përputhen në një emision te Vizion Plus dhe aktori Agron Llakaj i thotë personazhit që supozohej që ishte Arian Konomi “pushi ti, pusho se ta kam inatin, pederast”. Meqënëse gjeta rastin, por ç’është kjo pederast. Arian Konomi nuk është “gay”, pse i vë emrin dhe e bën “gay”? Se dimë edhe ne për ty Goni disa gjëra, të t’i themi ne ty ato. Goni nuk e ka bërë këtë se ka inat, por e ka bërë se kaq e ka kapacitetin dhe e vetmja gjë që mund të bëjë për të qeshur është t’i thojë atij…”, tha Veleshnja.
