Reshjet e dendura të shirave kanë shkaktuar dëme në aksin rrugor Elbasan-Librazhd pranë fshatit Labinot, ku ka pasur rrëshqitje masive gurësh të cilët vazhdojnë dhe bien gjatë kohës që automjetet janë në lëvizje.
Rrëshqitjet e gurëve kanë bllokuar njërën korsi të rrugës dhe gjendja në askin rrugor duket mjaft e rëndë. Si pasojë, është rënduar trafiku dhe firma e pastrimit po punon për zhbllokimin e aksit.
Prej disa ditësh, vendi është përfshirë nga reshje të dendura shiu, të cilat kanë shkaktuar përmbytje dhe probleme në disa akse rrugore. Por më të prekurit janë zonat e veriut, ku ka pasur edhe bllokim të njerëzve në fshatra pasi janë përmbytur rrugët duke bërë të pamundur kalimin.
Nga Mikela Mike
