Të tjera detaje dalin në dritë nga ngjarja e rëndë që u regjistrua në një shkollë private, ku ka pasur rrjedhje gazi.
Ngjarja ka ndodhur në kolegjin e vajzave “Albanian Qatar College” një shkollë jopublike në Don Bosko. Për shkak të asfiksisë nga gazi më shumë se 10 nxënës që kanë pasur probleme, dhe jo 4 siç thuhej në njoftimin e Policisë së Tiranës.
Sipas burimeve nxënësit shprehen se e kanë ndjerë erën e keqe të gazit që në orën e parë të mësimit, dhe kanë qëndruar aty për 3 orë, derisa disa prej tyre nisën që të villnin. Ata shprehen se gazi ka rrjedhur nga kaldaja që përdorej për ngrohjen e klasave, dhe shtojnë se në shkollë janë nxënës të të gjitha moshave, përfshirë ato të kopshtit.
“Kaldajave u plasi gazi, unë jam në mimimaturë, jemi të gjithë aty, gjimnazi, parashkollor. Filluam që të ndjenim erën e keqe që në orën e parë të mësimit, më pas qendruam dhe tre orë të tjera me dritare hapur, aq sa disa prej shokëve dhe shoqeve nisën të villnin”,shprehet një nga nxënësit.
