Jo vetëm toka dhe ajri, por në Elbasan edhe gjendja në të cilën ndodhet lumi Shkumbin mund të konsiderohet emergjencë mjedisore. Në pak kilometra të rrjedhës së tij nuk është e vështirë te dallosh grumbujt e mbeturinave buzë lumit, si dhe në përrenjtë që derdhen në Shkumbin. Madje në disa zona të njohura historike që janë edhe destinacione turistike, ndotja është e padurueshme.Ambjentalisti Ahmet Mehmeti thekson se Lumi Shkumbin është një lumë I sëmurë I cili ndot të gjithë zonën ku kalon.
Në kushtet kur lumi Shkumbin cilësohet si një lum i sëmurë, të pretendosh për të shijuar bukuritë e tij apo të tërheqësh vizitorë është një luks i madh.Ambjentalisti shprehet I indinjuar me institucionet , të cilat sipas tij janë në gjumë.
Ndërkohë nga bashkia e Elbasanit, Inspektoriati i Mjedisit duket se është i pafuqishëm përballë kësaj situate ku përveç konstatimit dhe vendosjes se gjobave prej 20 mijë lekëshe nuk ka mundësi të bëjë gjë tjetër për të mbrojtur lumin Shkumbin.
Infoweb Media
