Një automjet është përfshirë nga flakët në aksin rrugor ish Metalurgjik-Elbasan, tek “Ura e Kushës”.
Paraprakisht raportohet vetëm për dëme materiale, ndërkohë që drejtuesi i mjetit ka braktisur makinën dhe është larguar nga vendngjarja. Mjeti rezulton në pronësi të shtetasit Arrilla Debit dhe mbeten mister arsyet e braktisjes së mjetit tip ‘Renault’ nga shoferi.
Nuk dihen ende shkaqet e zjarrit, teksa zjarrfikësja ka bërë të mundur shuarjen e tyre.
Grupi hetimor dhe policia kanë shkuar me urgjencë drejt vendngjarjes dhe po punojnë për zbardhjen e shkaqeve të përfshirjes së makinës nga flakët.
