Lakuriq dhe me shenja që duken sikur janë tërhequr zvarrë dhe të gjymtuar. Kështu u shfaqën trupat e dy të rinjve, një shqiptar dhe një rumun, të dy 24 vjeç, pas një aksidenti që ndodhi këtë të Premte në orën 5.30 në autostradën AP-7, në dalje të Los Narejos, në Los Alcazares të Spanjës.
Në aksident u përfshinë dy automjete. Drejtuesi i njërës prej makinave, po lëvizte në autostradë në drejtim të Kartagjenës, kur u përplas me pjesën e pasme të një automjeti tjetër që ishte ndalur në rrugë dhe me dritat e fikura.
Përplasja ishte aq e fortë sa që të dy makinat u zhvendosën disa metra nga vendi ku ndodhi aksidenti dhe u shkatërruan plotësisht. Disa telefonata u bën tek urgjenca 112 për aksidentin dhe paralajmëruan se dy njerëz ishin të vdekur në rrugë.
Zyrtarët lokalë të policisë nga Los Alcázares, San Javier dhe dy njësi të Menaxhimit të Emergjencave udhëtuan në vendin e ngjarjes, të cilët zbuluan edhe dy trupat e zhveshurme shenja sikur ishin tërhequr zvarrë dhe me gjymtime. Përveç kësaj, trupat ishin jashtë automjetit në kohën e aksidentit.
Garda Civile ka marrë përsipër hetimin e aksidentit. Hipoteza kryesore me të cilën punojnë agjentët është se njëra nga automjetet pësoi një prishje mekanike në mes të rrugës, dy udhëtarët dolën dhe makina tjetër, e cila vinte nga prapa, i përplasi ata.
Sidoqoftë, hetuesit nuk përjashtojnë ndonjë supozim tjetër, pasi gjendet rrethana të tjera të dyshimta, pasi trupat u gjetën të zhveshur. Nga ana e tij, shoferi tjetër i përfshirë në aksident u plagos lehtë dhe u transferua në spitalin Los Arcos del Mar Menor, në San Javier.
