Një 21 vjeçar shqiptar i cili jeton në Galipoli, Itali ka qëlluar 16 herë me kallashnikov në drejtim të ish-të dashurës së tij dhe partnerit të saj.
Ibrahim Rudi u ndalua menjëherë nga karabinierët e zonës, të cilët njoftuan se i riu kishte qëlluar me kallashnikov drejt një grupi prej 7 personash, ku mes tyre ndodhej ish-e dashura së bashku me partnerin.
Ngjarja ndodhi paraditen e sotme, ku fatmirësisht nuk u lëndua asnjë nga shënjestrat e 21-vjeçarit,raportojnë mediet italiane.
Tashmë i riu Ibrahim Rudi ndodhet në burg me akuzën e tentativës për vrasje.