Një 20-vjeçar shqiptar, rreth orës 00:20 të pas mesnatës, në Brigittenau në Vjenë, ka joshur me një pretekst të rremë policët të dalin nga ndërtesa e tyre.
Ai u kishte thënë atyre se kishte gjetur një çantë dhe policia duhej ta ndiqte atë për të shikuar se për çfarë bëhej fjalë.
Kur polici i parë doli në rrugë, shqiptari e goditi atë me grushta pa paralajmërim.
Tre policë të tjerë janë sulmuar dhe kanë marrë plagë nga 20-vjeçari i tërbuar.
Vetëm pasi policët përdorën sprej arritën ta mundin sulmuesin dhe ta arrestonin.
Tre prej policëve kanë pësuar lëndime aq të rënda sa që u është dashur të hiqnin dorë nga detyra – raporton gazeta “Heute”.
Siç ka zbuluar ndërkohë gazeta në fjalë, i dyshuari me sa duket nuk ishte nën ndikimin e alkoolit ose drogës.
20-vjeçari shqiptar, i lindur në Austri, ka vazhduar të heshtë lidhur me motivin e tij.
