Për emisionin “Prive” të Kosovës, reperi Arkimed Lushaj, i njohur me emrin e artit Stresi, ka treguar sesi ka arritur të kalojë kufirin me Kosovën në mënyrë ilegale pas protestës për 25-vjeçarin, Klodian Rasha.
“Ishte shumë e vështirë se dje pas proteste janë dhënë urdhra që Stresi, djali i Sali Lushës, të merret në Drejtorinë e Policisë. Është shumë e vështirë me dal prej turme. Kemi dal, jemi bllokuar në një vend, u futëm në një kafene, kur pamë që protestuesit u drejtuan të Drejtoria, e kemi dit që krejt forcat policore shkojnë aty. Kemi marrë një shok temin që punon me makinat e varrimit. Vetëm për të dalë nga protesta. Kemi shkuar deri në Laç me të. Aty pastaj drejt Kosovës. I përshëndes krejt çunat që më prunë në Kosovë’, tha ai.
Stresi u bë pjesë e protestës para Ministrisë së Brendshme, duke shprehur revoltë ndaj qeverisë, ndërsa u bënte thirrje të rinjve që t’i bashkoheshin.
