Është një shqetësim i përhershëm, por sot si e dielë dhe ditë Pashkësh, trafiku tek Kryqëzimi i Cërrikut është kthyer në një tmerr të vërtetë.
Vargu i makinave nis nga ky kryqëzim e përfundon matanë pishave në Hajdaran.
Shkak për krijimin e fluksit të lartë të automjeteve është trafiku i dendur i mjeteve në dy akset kryesore, në atë Lindje-Perëndim, ose Durrës-Qafëthanë dhe aksit që lidh Elbasanin me Cërrikun, Gramshin, Belshin e deri në Kuçovë.
Shoferët ankohen se ky shqetësim snjëherë nuk është zgjidhur dhe se e gjithë kjo konvertohet në humbje kohe.
Ka vite që banorët dhe drejtuesit e automjeteve kanë nritur shqetësimin e ndërtimit të një mbikalimi në këtë vend, por deri më tani asgjë nuk është bërë në Elbasan. Ndërkohë mbikalime të tilla i has shpesh në rrugën Elbasan-Durrës, madje edhe nëpër fshatra.
Zgjidhja mbetet ndërtimi i baipasit të Elbasanit i cili nuk dihet se kur do ti vijë radha.
