(Video) Pamje të rënda! Shqiptari i dehur përplas motorin me dy adoleshentë

0

Një aksident, me protagonist një shqiptar, është regjistruar mbrëmjen e djeshme në një prej shesheve të kryeqytetit italian, ku po festohej kualifikimi i Italisë për në finalen e EURO 2020.

Sipas mediave italiane, shqiptari, i cili drejtonte një automjet tip ‘Fiat Punto’ ka përplasur një motor me dy pasagjerë dhe e gjithë ngjarja është regjistruar nëpër telefonat e dëshmitarëve në vendin e ngjarjes, të cilët siç duken nga pamjet shokohen pas asaj që ndodh.

Përplasja ndodhi teksa shqiptari po kryente disa manovra të rrezikshme në shesh e për pasojë përplaset fuqishëm me motorin ku po udhëtonin një djalë maroken 20 vjeç, së bashku me një adoleshente 14-vjeçare.

E mitura ka pësuar dëmtime të rënda në fytyrë dhe i është thyer nofulla, ndërkohë 20-vjeçari është dërguar në spital vetëm me dëme në fytyrë.

Shoferi i makinës është 25 vjeç. Deri më tani autoritetet nuk e kanë publikuar emrin e shqiptarit, por ajo që dihet me siguri është që në momentin e aksidentit ai ka qenë i dehur.

Makina i është sekuestruar ndërsa ndaj tij rëndon akuza e drejtimit të mjetit në gjendje të dehur dhe të rrezikshme. Po ashtu ka marrë një gjobë të majme sepse mjeti nuk kishte siguracion dhe certifikatë regjistrimi.

LEAVE A REPLY

Please enter your comment!
Please enter your name here