Përfundimi i procesit të pikëzimit ka sjellë disa ndryshime të rëndësishme në drejtimin e Policisë së Shtetit. Burime nga institucioni bëjnë me dije se në ditët në vijim pritet të bëhen emërime të reja për drejtorët e disa qarqeve të Policisë.
Një nga ndryshimet kryesore është emërimi i Vilson Bala, aktualisht drejtor i Operacionales, në postin e drejtorit të Policisë së Tiranës. Po ashtu, Elidon Çela, ish-drejtues i AMP-së së Tiranës, do të marrë drejtimin e Policisë në Berat.
Ndryshime të tjera përfshijnë rikthimin e Fatmir Lleshajt në Durrës, si dhe emërimin e zv.drejtorit të Tiranës, Luigj Vathi, si drejtor i Policisë në Lezhë. Elton Alushi, nga zv.drejtori, pritet të marrë drejtimin e Policisë së Vlorës, ndërsa Altin Mena, ish-kandidat për drejtor të përgjithshëm, do të emërohet drejtor i Policisë në Elbasan.
Në Shkodër, Gentian Berberi pritet të emërohet si drejtues i këtij qarku. Të gjitha këto emërime priten të konfirmohen zyrtarisht në ditët në vijim, duke sjellë një ristrukturim të ri në Policinë e Shtetit.
