Në mbledhjen e Komitetit Teknik të Ekpertëve, kryetarja e kësaj tryeze Mira Rakacolli ka thënë se ora policore do të vijojë të jetë e njëjtë.
Rakacolli: Përsërisim që ora policore do të jetë e njëjtë, pra nga ora 20:00 deri në 06:00 të mëngjesit, me përjashtim të rasteve kur kërkohen emergjenca shëndetësore dhe emergjenca pune. Do të vazhdohet mësimi online për shkak të nurmave të të rinjve që janë rritur edhe si rezultat i prezencës së virusit të ri. Fluturimet direkte me Britaninë do të mbeten të pezulluara edhe për një periudhë 2 javore. Komiteti mori në shqyrtim vendimin e Gjykatës Kushtetuese që na sugjeron që të ndërmerret një afat për masën që kemi propozuar në lidhje me grumbullimt. Komiteti e quan të arsyeshme që këtë herë të jetë për dy javë dhe do të rivlerësohet pas 2 javësh, njëjtë si masat e tjera.
Deklarata nënkupton se nuk do të lejohen festimet për Ditën e Verës në Elbasan dhe në qytete të tjera të vendit.
Kështu Dita e Verës edhe sivjet do të festohet në familje ose piknik. Ndërsa festimet në rrugët dhe sheshet e qytetit nuk do të ketë.
