Dita e verës nuk shpëton pa aksidente në Elbasan.
Një i tillë u regjistrua pak pas mesdite në aksin rrugor Elbasan-Metalurgji.
Dy automjete u përplasën mes tyre dhe përfunduan në anë të rrugës në një arë.
Si pasojë e përplasjes një shtetas ka përfunduar në gjendje serioze për jetën në spital.
Në vendin e ngjarjes shkoi policia e cila kreu veprimet proceduriale për të përcaktuar shkaqet e këtij aksidenti.
Gjatë ditës së sotme ka pasur një trafik të rënduar në rrugët e Elbasanit. Për pasojë janë regjistruar disa përplasje me automjete por fatmirësisht pa pasoja për qytetarët.
