Ambasadori britanik në Shqipëri Duncan Norman ka bërë thirrje që partitë politike në Shqipëri të bien dakord për fletën e votimit për zgjedhjet e 25 Prillit për t’u dhënë mundësi shqiptarëve të familjarizohen me të.
“E rëndësishme është që fletët e votimit të miratohen me dakordësi në kohë për t’u dhënë votuesve një shans të familjarizohen siç duhet përpara Ditës së Zgjedhjeve. Por ato gjithashtu duhet të jenë të qarta në mënyrë që një numër i votave të numërohet për partinë dhe kandidatin që votuesi kishte për qëllim’, shkruan ai.
