SHBA– Amerikani Matt Ford, i cili jeton mes Nju Jorkut dhe Los Anxhelosit, tregoi publikisht se si shkoi lufta e tij me linë e majmunëve.
Ford është amerikani i parë që flet publikisht për këtë temë. Rrëfimin e tij e raporton “ New York Post ”, e cila shkruan se Matt u infektua me lisë majmuni përmes kontaktit në Los Angeles.
Sipas Ford, Qendrave për Kontrollin dhe Parandalimin e Sëmundjeve iu deshën tre ditë për të bërë një diagnozë zyrtare, edhe pse ai “tashmë e dinte” se çfarë do të thoshin mjekët.
“Sipas mendimit të mjekut tim, Qendrat po bëjnë një punë vërtet të keqe për gjurmimin e kontakteve duke marrë parasysh sa raste ka vërtet,” tha ai në TikTok.
“Shkak është mungesa e analizave, e cila nuk është e mirë”, vuri në dukje ai dhe shtoi se fillimisht i ka vërejtur simptomat në zonën intime dhe më pas lezionet apo skuqjet janë përhapur në pjesë të tjera të trupit, duke përfshirë fytyrën, duart dhe stomakun.
Pasi vuri re njollat në lëkurën e tij, ato filluan të acarohen, duke shkaktuar kruajtje. Ford gjithashtu kishte simptoma të ngjashme me gripin, duke përfshirë ethe dhe kollë. Kur simptomat e tij filluan për herë të parë më 17 qershor, rastet e lisë së majmunëve arritën tre shifra në SHBA për herë të parë. Paralajmërohet se ky numër mund të jetë i pasaktë sepse janë bërë kaq pak teste.
“Ndërsa ishte qetësuese të dija se nuk isha vetëm, më shqetësonte gjithashtu se numri i rasteve po zvogëlohej pak”, tha ai.
Sipas të dhënave nga organizata shëndetësore, Evropa tani ka më shumë se 4,500 raste të konfirmuara nga laboratori, tre herë më shumë se në mes të qershorit. Ky numër përfaqëson 90% të rasteve të regjistruara në mbarë botën që nga mesi i majit, kur sëmundja, e cila deri atëherë ishte endemike vetëm në dhjetë vende afrikane, filloi të përhapet në Evropë.
