Ministria e Shëndetësisë raporton se në 24 orët e fundit 6 persona kanë humbur jetën nga koronavirusi në Shqipëri.
Lajmi i mirë është se në 24 orët e fundit janë ulur ndjeshëm rastet e reja, megjithëse duhet theksuar se janë kryer më pak testime se në ditët e shkuara. Nga 1893 testime kanë rezultuar pozitivë 285 qytetarë.
Aktualisht në spitalet COVID në Tiranë dhe tre spitalet rajonale po trajtohen 311 pacientë, 16 në terapi intensive, nga të cilët 7 pacientë janë të intubuar.
Rastet pozitive të konfirmuara janë identifikuar në këto bashki: 67 raste në Tiranë, 21 në Fier, 19 në Korçë, 18 në Shkodër, 17 në Elbasan, 14 në Vlorë, nga 13 raste në Durrës, Gjirokastër, 11 në Berat, nga 7 raste në Lezhë, Lushnje, Sarandë, nga 6 raste në Kavajë, Mirditë, Peqin, nga 5 raste në Kurbin, Mallakastër, Vau i Dejës etj.
Me gjithë përpjekjet e stafit mjekësor, 6 qytetarë e kanë humbur betejën me COVID-19: 3 qytetarë nga Tirana, 2 qytetarë nga Fieri, 1 qytetar nga Saranda, të moshave 54- 83 vjeç.
Që nga shpërthimi i pandemisë me koronavirus në Shqipëri janë konfirmuar 124.419 raste pozitive, prej tyre 90.024 të shëruar, 32.179 janë aktive, ndërsa betejën me sëmundjen e rrezikshme e kanë humbur 2.216 persona.
