Një aksident i rëndë është regjistruar pak çaste më parë në afërsi të stadiumit “Elbasan Arena”.
Një qytetar që po udhëtonte me biçklietë është përplasur me një Range Rover e për pasojë ka rënë pa ndjenja në asfalt duke pësuar dëmtime të ndryshme në trup. Ende nuk dihet identiteti i qytetarit.
Nga pamjet e siguruara ekskluzivisht nga Infowebtv, shihet se qytetari qëndron shtrirë në asfalt, ndërsa qytetarët e tjerë përpiqen ti japin ndihmën e parë.
Pas pak në vendngjarje ka mbërritur ambulanca dhe policia e cila ka kryer veprimet proceduriale për të përcaktuar shkaqet e këtij aksidenti. Shtetasi në fjalë ndodhet nën kujdesin e mjekëve.
Sipas të dhënave të para mësohet se personi që udhëtonte me biçikletë i ka prerë rrugën Range Roverit që drejtohej nga një femër. Gjithashtu dyshohet që ai të ketë qenë nën efektin e alkoolit.
Por gjithçka do të zbardhet nga grupi hetimor për të përcaktuar rrethanat e aksidentit.
