Kryeminsitri Edi Rama foli për një plan puçist të fshehur pas grevës së kontrollorëve të Albcontroll, që çoi në bllokimin e Aeroportit të Rinasit për mbi 24 orë.
Dy emra citoi Kryeministri si përgjegjës për nxitjen e këtij puçi, ish-Kryeministri Sali Berisha dhe Presidenti i vendit, Ilir Meta. Rama në daljet e tij ka përmendur dhe një “leshko”, duke iu referuar Petrit Sulajt, ish-drejtori i Aviacionit Civil, i cili u shoqerua në polici mbrëmjen e sotme.
Sipas Ramës, një plan i brendshëm në Albcontrol ishte mirëorganizuar, duke sjellë një problem të madh për vendin.
Më poshtë është një listë e personave që punojnë në Albcontrol, të cilëve kryeministri i referohet si “puçistë”. Aty vihen re shumë emra familjarësh të lidhur me socialistë të njohur.
Duhet theksuar se shumica e këtyre emrave nuk janë kontrollorët që dolën në protestë për uljen e pagave të tyre dhe madje rrogat e këtyre emrave madje nuk janë prekur fare.
Duke filluar nga djali i Gramoz Ruçit, Ledio Ruçi, te Redi Fino, djali i ish-deputetit Bashkim Fino, deri te Norbis Qazimi, vëllai i Fatmir Xhafajt, fotot e mëposhtme tregojnë të gjithë punonjësit e Albcontrol të lidhur me politikën.
