Bastisja e shtëpisë së Jakup Krasniqit nga EULEX nuk ka mbetur pa u komentuar nga kryeministri i Kosovës, Avdullah Hoti
Hoti është shprehur se instuticionet e Kosovës janë shembull i bashkëpunimit të drejtësisë vendase dhe asaj ndërkombëtare.
Statusi i kryeministrit
Qeveria e Republikës së Kosovës po i përcjell veprimet e EULEX-it lidhur me ish-Kryetarin e Kuvendit të Republikës së Kosovës, z. Jakup Krasniqi.
Kosova, bartësit e institucioneve si dhe qytetarët e saj, në vazhdimësi kanë dhënë shembull të respektimit dhe bashkëpunimit me drejtësinë vendore dhe ndërkombëtare.
Njëjtë do të veprohet edhe kësaj radhe me Dhomat e Specializuara në Hagë, të cilat janë pjesë e sistemit të drejtësisë të Republikës së Kosovës.
Prezumimi i pafajësisë duhet të respektohet në çdo rast përderisa nuk ka një vendim tjetër të gjykatës kompetente.
Qeveria e Republikës së Kosovës e njeh si të patjetërsueshëm qëllimin e pastër e të shenjtë të popullit të Kosovës në luftën për liri.
