Të shumtë janë shqiptarët që shkojnë në Britaninë e Madhe dhe përfundojnë duke punuar në shtëpi bari. Por konfliktet që lindin mes tyre për çështje droge shpesheherë zhvendosen edhe në Shqipëri. Por këto përplasje kanë filluar të shtohen në masë kohët e fundit dhe një rast i tillë u publikua ditën e sotme nê TopChannel. Një i ri i quajtur Kalvin Pjetri u largua nga Shqipëria në dhjetor 2020 drejt Britanisë së Madhe me marrëveshjen që t’i shërbente rritjes së hashashit. Por sapo mbërriti atje, i riu u arratis dhe anëtarë të dyshuar të grupit në Shqipëri i kanë vendosur atij gjobë.
Çështja po hetohet për gjobëvënie dhe kërcënim për jetën të shtetasit me iniciale B. P. që është i ati i minorenit . 47-vjeçari rrëfeu se i kërkuan 100 mijë paund dhe se e kanë paralajmëruar se do ta vrasin kudo që ai të fshihet .
“Unë jam A.B. e ka kërcënuar i dyshuari tjetër , më ke prerë në besë me djalin tënd , pasi unë hyra garant për të dhe ji çova vëllait si punëtor marijuane në Angli.”
Sipas burimeve ky person është nga Hasi dhe më tej përveç kanosjes fizike e ka paralajmëruar “po u fshehe dhe në 7 planete , do të gjejmë dhe do ta vras duke bërtitur”. 47-vjeçari pranon se e nisi të birin me një pasaportë australiane , teksa burimet shtojnë se kanë marrë në pyetje disa persona që kanë dijeni mbi konfliktet e mëpasshme. Ata tregojnë se si në datën 28 prill një person që është prezantuar si kuksiani e ka kërkuar 47-vjeçarin dhe më pas e ka kërcënuar me armë.
“Merre këtë numër dhe thuaji të më kontaktojë ka thënë shtetasi i identifikuar si S.C. pasi duhet të rregullohet me ne pasi djali na ka bërë dëme”. I ati tregon se i ishte lutur të birit ta linte punën e marijuanës pasi është shumë mirë nga ana ekonomike.
“Para një muaji tim bir e kapi policia angleze brenda në shtëpinë e marijuanës dhe e mbajtën vetëm një jave” , por anëtarët e grupit të marijuanës kanë zbuluar se në të vërtetë i riu ishte arratisur. “Ata telefonuan në zyrë dhe i thanë vartëses, ku e ke shefin mos e fshih nën karrige”, thotë në polici biznesmeni i cili është bërë shkak që hetimi t regjistrohet për gjobëvënie dhe kanosje të tij dhe katër punonjësve.
