Mesfushori shqiptar me origjinë nga Kosova, Granit Xhaka, nuk po kalon moment të mira tek Arsenali çka u tregua edhe në ndeshjen kundër Burnleyt, në të cilën Xhaka kapi për fyti kundërshtarin e tij.
Ky veprim i Xhakës nuk është pritur mirë nga trajneri Mikel Arteta dhe tifozët anglezë.
Daily Mail tani ka raportuar se Arsenali është gati që ta shes Xhakën gjatë afatit kalimtar të janarit.
E ardhmja e mesfushorit duket se do të jetë përsëri në elitën e futbollit gjerman, Bundesliga.
Ish-skuadra e tij, Borussia Moenchegladbach dhe Hertha Berlin janë dy ekipet që kanë shprehur gatishmëri për transferimin e Xhakës.
Arsenali është gati t’i dëgjojë ofertat për mesfushorin, por synon që të fitojë rreth 30 milionë euro nga shitja e tij.
28-vjeçari ka kaluar katër vite në Londër, derisa këtë edicion ka luajtur në total në 15 ndeshje, duke mos arritur të shënoj ose asistoj.