Avioni ushtarak i Forcave të Armatosura të Turqisë i tipit “Herkules” me nr. e fluturimit TUAF 290, pasi solli në atdhe arkivolin e Gjeneral Sallakut, u nis ne rrugën e kthimit drejt Ankarasë, kryeqytetit Turk.
Kujtojme se InfoWeb TV dha dje lajmin ekskluziv se Qeveria e Turqisë, përmes Ministrit të saj të Mbrojtjes, pasi mori miratimin e Presidentit Rexhep Taip Erdogan, vendosi të sjellë në atdhe trupin e të ndjerit Gjeneral Sallaku me nderime të larta shtetërore.
Ky është ndër rastet e rralla kur një vend i huaj sjell me nderime kaq të larta një ushtarak shqiptar në atdheun e tij.
Me këtë akt Turqia dëshmoi edhe njëherë se mbetet mikja dhe aleati ynë më i madh në Rajon e më gjërë.