Kompanitë që filluan punën për të gjetur vaksinën kundërvepruese ndaj Covid, tregojnë se tani kjo vaksinë mund të ndihmojë mbi 90% të njerëzve duke mos kontraktuar virusin.
Zhvilluesit e vaksinës – kompania amerikane Pfizer dhe ajo gjermane BioNTech – thanë se “kjo është një ditë e madhe për shkencën dhe njerëzimin”.
Vaksina e tyre është testuar në 43,500 njerëz në gjashtë vende dhe thuhet se nuk ka shqetësime për sigurinë.
Kompanitë planifikojnë të aplikojnë për miratimin emergjent të vaksinës në fund të muajit.
Aktualisht, janë dhjetëra vaksina që kanë arritur fazat finale të testimit, por kjo është e para që tregon rezultate.
Ajo përdor një qasje plotësisht eksperimentale – që përfshin injektimin e një pjese të kodit gjenetik të virusit – për ta trajnuar sistemin imunitar.
Do të duhen dy doza, me një diferencë kohore prej tri javësh, dhe, sipas kompanive farmaceutike, njerëzit do të jenë të mbrojtur një javë pas dozës së dytë.
Vaksina është testuar në Shtetet e Bashkuara, Gjermani, Brazil, Argjentinë, Afrikë të Jugut dhe Turqi.
Pfizer beson se do të jetë në gjendje të sigurojë 50 milionë doza deri në fund të këtij viti dhe rreth 1.3 miliard deri në fund të vitit 2021.
Trump: Lajm i madh
Presidenti i Shteteve të Bashkuara të Amerikës ka reaguar pas lajmit se vaksina e parë kundër koronavirusit është 90% efektive.
“Tregjet po reagojnë shumë mirë, vaksina është rrugës. Raportohet 90 përqind efektive. Sa lajm i madh”, shkruan presidenti Trump në Twitter.
Vaksina e parë kundër koronavirusit mund të parandalojë mbi 90% të njerëzve nga kontraktimi i virusit. Zhvilluesit e vaksinës kompania amerikane Pfizer dhe ajo gjermane BioNTech – thanë se “kjo është një ditë e madhe për shkencën dhe njerëzimin”.
Vaksina e tyre është testuar në 43,500 njerëz në gjashtë shtete dhe thuhet se nuk ka shqetësime për sigurinë.
